لێپرسراوی پێشکەوتووی پرۆژەی گرتنەخۆ

Kurdistan Save the Children • Full-time • Iraq • 1w ago

دەربارەی منداڵپارێز

ڕێکخراوێکی سەربەخۆی ناحکومی تایبەت بە منداڵانە. لە ساڵی ١٩٩١ دا لەلایەن بەڕێز هێرۆ ئیبراهیم ئەحمەد و ژمارەیەک ستافی خۆبەخشەوە دامەزراوە، ڕێکخراوێکی سیاسی و حکومی و ئاینی نییە، لە پێناوی قازانجدا کارناکات، بەبێ ڕەچاوکردنی نەژاد، ڕەگەز و پابەندییە ئاینی و سیاسییەکان یارمەتی پێشکەشدەکات،کار دەکات بۆ دەستەبەرکردنی داهاتوویەکی باشتر بۆ منداڵ و گەنج لە ڕێگەی پەرەپێدانی تواناکانیان بە بێ جیاوازی، وە داکۆکیکردن و دابینکردن و بەهێزکردنی خزمەتگوزاریەکان لە بوارەکانی پاراستنی مافەکانی منداڵ و تەندروستی و پەروەردە

دەربارەی بەرنامەی پاراستنی منداڵ و پرۆژەی گرتنەخۆ

بەرنامەی پاراستنی منداڵ ئامانجی بەهیزکردنی سیستەمی پاراستنی منداڵ لە هەموو شێوازەکانی توندوتیژی و ئیستیغلالکردنێک لە ئاستی خێزان و کۆمەڵگەو دامەزراوەکانی حکومەتدا بۆ رەخساندنی ژینگەیەکی شیاوو شایستە بۆ هەموو منداڵێک بەبێ جیاوازی رەگەزو و دین و نەتەوە و زمان لە چوارچێوەی ریکەوتننامەی جیهانی مافەکانی منداڵ. وە پرۆژەی گرتنەخۆ پرۆژەیەکی درێژخایەنە لە پرۆژەکانی بەرنامەی پاراستنی منداڵ لە منداڵپارێزی کوردستان و یارمەتیەکی ماددی مانگانە و هاوکاری کۆمەڵایەتی بۆ ئەو منداڵانە و خیزانەکانیان دابیندەکات کە پێویستیان بە یارمە تیدانە. ئامانج لە جیبەجیکردنی ئەم پرۆژەیە گەشەپیدانی ئاستی گوزەران و بژیوی خیزانی ئەو منداڵانەیە کە داهاتی خێزانەکانیان لە ئاستێکی نزمدایە و خێزانەکانیان ناتوانن پێداویستیە بنەرەتیەکانیان بۆ دابین بکەن

ئەرک و بەرپرسیارێتییە سەرەکیەکان

کارکردن لەسەر فاکتەرە جیاوازەکان بۆ زیاتر ناساندنی پرۆژەی گرتنەخۆ و دانانی پلان بۆ هێشتنەوە و دۆزینەوەی سپۆنسەرەکان –

کارکردن و پێداچوونەوە و ڕێکخستنەوەی لیستی هاوکاریەکان –

ڕاپەڕاندنی کاروباری نێوان سپۆنسەر و ڕێکخراو و سودمەندەکان –

کارکردن لەسەر پتەوکردنی پەیوەندی نێوان سپۆنسەر و سودمەندەکان –

پێشکەشکردنی هاوکاری بە لێپرسراوی ئۆفیسەکانی پرۆژەی گرتنەخۆ –

وەرگێڕانی نامەی نێوان سودمەندەکان و سپۆنسەرەکان لە زمانی کوردی بۆ سەر زمانی ئینگلیزی وە بە پێچەوانەوە –

نوسین و ئامادەکردنی پرۆپۆسەڵ –

نوسین و ئامادەکردنی ڕاپۆرتی مانگانە و ساڵانە و ڕاپۆرتی ڕاگەیاندن –

ئەنجامدانی هەڵسەنگاندن بۆ پرۆژەی گرتنەخۆ، پێشکەشکردنی ڕاپۆرتی هەڵسەنگاندن بە بەڕێوەبەری بەرنامەی پاراستنی منداڵ –

سەرپەرشتیکردنی کارمەندانی پرۆژەی گرتنەخۆ، ئەنجامدانی هەڵسەنگاندن و دەستنیشانکردنی خاڵە بەهێز و لاوازەکانیان، دانانی ئامانج بۆیان، وە کارکردن لەسەر بەرەوپێشبردنی کارەکان و تواناکانیان

جێبەجێکردن و پابەندبوون بە سیاسەتی پاراستنی منداڵ. دڵنیابوون لە پابەندبوون لە تەواوی کار و چالاکیەکانی پرۆژەکە –

ئەنجامدانی هەر ئەرکێک لە لایەن بەڕێوەبەرەکەیەوە پێیبسپێردرێت –

بڕوانامە و داواکاریەکان

بڕوانامەی بەکالۆریۆس لە زانستە کۆمەڵایەتییەکان، پەروەردە، گەشەپێدانی منداڵ، یان بوارێکی پەیوەندیدار –

لانی کەم ٢ ساڵ ئەزموونی لە سپۆنسەری منداڵ، پاراستنی منداڵان، یا بوارێکی پەیوەندیداردا هەبێت –

توانستی زمانی کوردی و ئینگلیزی زۆر باش بێت –

MS Office (Word, Excel, Outlook) توانای بەکارهێنانی –

توانای ڕێکخستن و بەڕێوەبردنی زۆر باش بێت –

توانای پەیوەندیکردن و گونجانی هەبێت –

ماوەی گرێبەست : مانگی ٢٠٢٥/٩ تا ٢٠٢٥/١٢/٣١ ئەگەری نوێکردنەوەی گرێبەست هەیە

کاتی کارکردن: ٨:٣٠ بەیانی تا ٤:٠٠ پاش نیوەرۆ